OUR PERFORMANCE
Let's take a tour of our performances.
8月12日 - 夢想起舞II Week 5
今日寶貝遊樂班及精靈跳舞班已經進入第五堂， 說時遲那時快已經完成一半課堂👏
今日寶貝返嚟一場free time，孩子都需要盡情玩無拘束的時刻， 感謝導師同助教們全力陪玩， 今日盡興玩完下一堂要繼續好好鍛鍊呀，下一堂再見💌
7月23日 - 天然素材小手工班
今日特別活動天然素材小手工班 ，在小朋友們無限的想法及創意下順利完成⭐
小朋友們先用心聆聽導師講關於蝸牛的小故事，然後一起用樹葉製作屬於自己獨一無二的書籤，大家都好專注地製作，每一塊樹葉在小朋友手上都變得獨一無二，畫功確實令人驚艷💗
期待下一次手工班再一起開心創作🥰 小朋友們今日都做得非常好呀，下一次活動再見🤗
7月15日 - 夢想起舞II Week 1
新一期夢想起舞II寶貝樂遊班以及載歌載舞精靈班今日第一堂順利完成💗💃🕺
寶貝班藉著音樂模仿想像，更可段練大肌肉以及社交，事後執拾責任感，精靈班藉著音樂強力拍子載歌載舞💌💗
我地下一堂見啦💪💗
7月10日 - 中華基督教會望覺堂啟愛學校 120創意音樂劇
120 創意音樂劇 於啟愛學校 與同學進行了一年的訓練及彩排。終於在學校禮堂上演喇，同學們都化身成為Zolar KOS 戰士，施展渾身解數，發出超能力，拯救地球。💃🎵🕺🎶
當中互動故事，舞蹈，歌唱穿越不同場景，配上現場音樂，同學們都相當投入，並與演員一起渡過重重難關，最後發現對付Thunder 既方法。💪💗✌
6月28日 - 香港紅十字會甘迺迪中心 音樂表演
今日我地好榮幸可以去到香港紅十字會甘迺迪中心做音樂表演💗🎵🎶
疫情前我地已經黎過啦, 經過慢長的等待, 我地又可以再到現場載歌載舞💃🎵🕺🎶
由坐低欣賞音樂, 再跳舞互動, 最後勇敢站出來大合唱💪💗
老師, 家長, 同學們很興奮, 我們也表演得很盡慶, 期望下一次再見, 繼續唱好音樂💗💗
6月24日 - 夢想起舞 Week 9
今期寶貝班以及精靈班跳舞堂不知不覺今日已踏入最後一堂，開心的時間確實過得特別快💗
我地又點會俾開心時刻停落嚟，稍後將會推出下一期(11歲以下)寶貝遊樂體驗班以及(12歲以上)載歌載舞精靈班，活動費用全免，有興趣嘅家長請繼續留意我地網頁💌
6月17日 - 夢想起舞 Week 8
得閒跳舞人生一大樂事，家長亦同步聽live band 鬆一鬆，禮拜六已經變成家長同孩子嘅輕鬆enjoy日💃🕺
跳舞可以有好多想像嘅空間，今日寶貝 班練習平衡之外，亦學習想像力，變成一架火車一架馬車，甚至一件手卷壽司，中場休息嘅時候孩子們都充滿愛互相照顧， 有些亦趁機同導師及助教咋嬌攬攬抱抱，落堂亦都一同學習收拾教材道具，每個孩子每一堂都在進步中，叻叻豬 🤗
精靈班大孩子同學仔一見面就先互相問候以及互相支持鼓勵， 主動去睇同學有冇需要幫忙，這些亦是在課堂之中不知不覺建立起的友誼， 每一個也是乖孩子🤗
6月19-23日 - 恆常樂器班 Week 13
樂器班第十三星期, 有新導師Michelle姐姐黎幫手, 小朋友都好開心 💌💌
打鼓除左可以發洩情緒, 亦可以提高同學們的自信心和自我認同感, 同時為他們提供一個非言語的途徑來表達自己，讓一些不擅長用言語方式表達自己的人都能夠好好表達自己🎵🎶💪💪
6月10日 - 夢想起舞 Week 7
課堂未開始先嚟自由時間，大家一齊出去彈床度跳跳跳一陣，跳完返嚟一陣上堂就可以更加專注呀✌
精靈班以及寶貝班跳舞堂，不經不覺今日已經踏入第7堂，豆釘們下一堂繼續跳跳跳🎵
6月5-9日 - 恆常樂器班 Week 12
樂器班第十二星期, 不同的樂器, 一樣的投入程度 💪💪💪
音樂為小朋友帶來不同的感官刺激, 加強腦部發展, 同時為他們提供一個非言語的途徑來表達自己, 讓一些不擅長用言語方式表達自己的人, 都能夠好好表達自己 🎵🎶
6月3日 - 夢想起舞 Week 6
學跳舞之前先打下鼓感受一下拍子， 一班好動寶寶邊坐得咁定，想出去走動下就可以去彈床度跳跳跳一陣，跳完返嚟就可以更加專注呀✌
精靈班以及寶貝班跳舞堂不經不覺今日已經踏入第6堂，豆釘們下一堂繼續跳跳跳🎵
5月29日-6月2日 - 恆常樂器班 Week 11
樂器班第十一星期, 睇佢地打鼓真係好開心 🎵🎶
SEN同學係音樂中可以釋放情緒, 對日後的學習亦好有幫助 👍👍
5月27日 - 夢想起舞 Week 5
小小星兒學懂自理相信是每一位家長最想見到的一環，今日夢想起舞 的家長們繼續偷閒加油站聽live band，寶貝班機繼續強化平衡力，學跳舞之餘都要學收拾，只要運用得宜任何場景亦是好好學習的課題💃
而精靈班的大寶寶繼續強勢起舞，同學仔們做運動對身體好，但都要記得飲多啲水下一堂再見🤗
5月22-26日 - 恆常樂器班 Week 10
樂器班第十星期, 不經不覺有D同學已經上左十堂, 由一個完全唔識樂器, 到而家玩得有板有眼, 我地真係好開心 👍👍🤗🤗
我地提供免費樂器班俾所有SEN同學🎵🎶
5月20日 - 夢想起舞 Week 4
要有好嘅平衡力先能夠自由擺動身體跳出 美妙的舞姿，細仔寶貝跳舞班全部都係baby，今日由基礎做起重新學平衡🕺
而大仔精靈班個個都係哥哥級，一輪拉筋熱身就可開始勁歌熱舞💃
近排新冠疫情嚴重亦遇著流感高峰期，今日第四堂跳舞班 差不多一半同學仔請病假，大家都要好好休息保重身體，下星期再戰舞林💌
5月15-19日 - 恆常樂器班 Week 9
樂器班第九星期, 導師Banny細心教導結他技巧, 我地有不同種類結他, 歡迎同學作不同嘗試 ✌️✌️🎵🎶
5月13日 - 夢想起舞 Week 3
聽故事學跳舞你哋又試過未，世界沒有事係冇可能嘅，只要想得到就做得到，今日夢想起舞細仔寶貝班我哋就用講故事學跳舞，教小朋友一啲關於大自然嘅肢體 舞蹈動作🌱
而大仔嘅精靈班今日已經學跳第三隻舞大家都好積極學習💃
家長繼續偷閒加油站聽live band鬆一鬆，第三堂跳舞班順利完成，小朋友們下一堂再見💌
5月8-12日 - 恆常樂器班 Week 8
樂器班第八星期, 打鼓結他學得不亦樂乎🎵🎶
我地提供免費樂器班俾所有SEN同學🤗
如果有興趣跟我地學樂器, 可以打網站右上角的電話俾我地 ✌️🤗
5月6日 - 夢想起舞 Week 2
小朋友上跳舞課堂時家長去咗邊度呀，家長們就係去咗樓上聽live band演唱， 家長們都要偷得浮生半日閑鬆一鬆，放低所有膽子有一個小小嘅me time，哪怕只是一刻，都希望家長們能夠好好享受只屬於自己的時光💞
今日夢想起舞寶貝班及精靈班課堂，各順利完成第二堂， 小朋友們下一堂再見 🕺💃
5月1-5日 - 恆常樂器班 Week 7
樂器班第七星期, 雖然星期一就放左日假, 但星期二至五都有上堂🤗
導師Banny好細心教我地位新同學, 佢都上手得好快🎵🎶
想跟我地學樂器, 就密切留意我地網頁啦🤗
4月24-28日 - 恆常樂器班 Week 6
樂器班第六星期, 同學已經掌握到基本技巧🤗
我地可以教難D, 教多D, 好快可以自己演奏一首歌啦🎵🎶
繼續努力練習, 下星期再見🤗
4月29日 - 夢想起舞 (精靈班) Week 1
夢想起舞寶貝班落堂，就輪到精靈班上堂，呢一班係年齡大啲嘅孩子，大家都即時投入課堂之中，對一班特殊寶寶來說，舞蹈就是最無界限的互動，一起互相認識一起享受課堂， 孩子們下一堂再見💌
同一時間, 家長在另一層的舞台, 欣賞我們準備好的音樂表演, 享受獨一無二的Me Time🎵🎶
4月29日 - 夢想起舞 (寶貝班) Week 1
夢想起舞寶貝班第一堂今日順利完成，任何能力的孩子也有學習的權利，舞蹈小組一個導師四個助教，以一對二模式一同貼心地輔助每一個孩子💞
今日小朋友先學平衡以及一些舞蹈肢體動作太陽彩虹落雨， 今日大家都跳得好開心呀下一堂再見💌
同一時間, 家長在另一層的舞台, 欣賞我們準備好的音樂表演, 享受獨一無二的Me Time🎵🎶
4月17-21日 - 恆常樂器班 Week 5
樂器班不經不覺第五星期, 我地都要搵D新野玩🤗
同學仔一邊打鼓, 導師一邊彈結他, 一齊JAM歌🎵🎶
同學仔學得好開心, 我地都教得好開心, 下星期再見🤗
4月20日 - 西安中心4月份音樂會+生日會
好開心今日西安中心黎到我地120中心🤗
我地預備左1.5小時音樂表演, 聽得開心時仲上埋台唱歌🤗
最後我地仲切埋蛋糕🤗
祝壽星們生日快樂, 我地下次再見
4月10-14日 - 恆常樂器班 Week 4
第四星期恆常樂器班開始啦, 雖然過左一個長長的復活節假期, 但同學仔仲係好投入上堂🤗
今個星期有新導師Banny加入🎵🎶
想跟我地學樂器, 就密切留意我地網頁啦🤗
4月8日 - 春日和諧粉彩工作坊
春日和諧粉彩工作坊今日順利完成🤗
能夠在復活節假期一同享受和諧粉彩的樂趣確實係非常好嘅節目，今日小朋友除咗玩和諧粉彩亦同步學習如何去收拾處理，任何事情都係學習自理的契機🤗
小朋友們下一場活動再見🤗
4月3-7日 - 恆常樂器班 Week 3
第三星期恆常樂器班開始啦, 今個星期復活節喎, 雖然少左同學仔黎上堂, 但有黎的同學都學得好開心🤗
想跟我地學好音樂, 就密切留意我地網頁啦🤗🎵🎶
3月27-31日 - 恆常樂器班 Week 2
我地恆常樂器班踏入第二個星期啦🤗
同學仔除左上堂認真, 返屋企都有乖乖練習🎵🎶
下星期就復活節, 有D同學仔就休息一個禮, 不過唔緊要, 我相信你地係屋企會繼續練習🤗
祝各小朋友及家長, 復活節快樂!!
3月20-24日 - 恆常樂器班 Week 1
我地恆常樂器班今個星期正式開始啦🤗
咁多位小朋友, 跟住Carlo哥哥學吉他, 跟住Dave哥哥學打鼓, 大家都樂而忘返🤗
期待下星期再見, 繼續學好音樂🎵🎶
3月25日 - 三月音樂無界限夢想之旅 Part 4
小星星音樂無界限夢想之旅最後一擊今日順利完成，小星星60人分開兩隊，分別完成 一齊台上台下夾band，繼而聞歌一起自由舞，今日仲做埋跳舞前嘅肢體展示以及平衡練習🤸♀️
食埋輕食午餐報埋免費音樂課堂之後，大家都唔捨得走樂而忘返繼續留守玩多陣，見到大家開心我地都好開心， 稍後仍有很多免費活動推出，等待大家一同參與🤗
小星星們，我哋準備好啦，你哋準備好未呀🤗
3月18日 - 三月音樂無界限夢想之旅 Part 3
小星星愛心傳遞音樂無界限 夢想之旅part 3 今日順利完成🤗
台上台下繼續一齊玩樂器，有小朋友聞歌起舞添呢， 聽完小型演奏會後繼而一齊學跳舞，家長小朋友都玩得好開心呢🤗
之後大家一齊享受輕食午餐，再報名免費唱歌跳舞同各類樂器班， 開心時間特別快又過了一個愉快的上午🤗
因為三場音樂無界限 夢想之旅報名都非常踴躍，現在加開最後一場， 同埸大家可以繼續報名免費唱歌，跳舞，打鼓，鋼琴以及結他課堂🤗
報名表格稍後會在稍後推出，最後一場啦唔會再加開，大家要把握時機🤗
3月11日 - 三月音樂無界限夢想之旅 Part 2
小星星愛心傳遞音樂無界限夢想之旅part2今日順利完成💃🕺
小朋友們分開兩組輪流體驗 小型音樂會，台上台下一齊玩樂器一齊互動jam歌，以及自由舞一起開心擺動身體藉著舞蹈社交互動🥳
最後一起輕量午餐，以及報名鋼琴結他打鼓唱歌跳舞免費課堂，大家輕輕鬆鬆一個早上小朋友們都好開心呢🤗
今日夜啲會推 小星星音樂無界限夢想之旅part3報名表格， 今次係最後一場大家要把握機會，給小朋友一個美好嘅體驗以及 報免費課程的機會，期待下一場會與你你你和你見面🌈
3月4日 - 三月音樂無界限夢想之旅 Part 1
🎵🎶小星星愛心傳遞音樂無界限夢想之旅part1今日順利完成✌
小星們大家一起體驗小型演唱會台上台下各有樂器 一齊夾band ，再一起擺動身體體驗自由舞，同時仲可以即場報名免費樂器及跳舞課堂，大家玩得開心之餘亦得著不少呢🤗
想join埋一齊玩咁開心嘅體驗， 大家就要留意今晚稍後出嘅音樂無界限夢想之旅part2報名表格啦，期待大家的參與，下一場活動再見 ❣
